Гагратәи амедицинатә ҵараиурҭа

Аҭыӡҭыԥ: ақ. Гагра, В. Г. Арӡынба ипроспеқт, 269
Аҭел.: +7 (940) 770 88 62, +7 (940) 969 12 20

Аԥсны Аџьынџьтәылатә еибашьраан (1992–1993 шш.) аме- дицинатә кадрқәа разымхара инамаданы иаартын амедицинатә факультет Бзыԥтәи АТҴ абазаҿы. Ианвар мза 1994 шықәсазы ишьақәыргылан Аԥсны Аҳәынҭқарра Агәабзиарахьчара амини- стрра иатәу Гагратәи амедицинатә ҵараиурҭа. Егьырҭ аҵараиурҭақәа бжьара-занааҭтә ҩаӡарала ирҿурԥшуазар, ари иқәыԥ- шу ҵараиурҭоуп, аха аҳәынҭқарраҿы абжьара-занааҭтә ҵараи- урҭақәа рыбжьара иреиӷьқәоу ирхыԥхьаӡалоуп.

Аҵараиурҭа иалгоит бжьаратә занааҭла зквалификациа ҳараку, Аԥсны ақалақьқәеи араионқәеи зегьы рҿы аусура зылшо аспециалистцәа.

Ҳаушьҭымҭацәа аиҳарак рҵара иацырҵеит иреиҳау аме- дицинатә ҵараиурҭақәа рҟны. Иахьа аус руеит Урыстәыла, Белоруссиа, Украина, Израиль уҳәа акырџьара.

Афакультетқәеи азанааҭқәеи:

  1. Амедиаҳәшьатә ус – амедиаҳәшьа. 
  2. Ахәышәтәратә ус – афельдшер.

Иара убас абарҭ азанааҭқәа рыла акурсқәа:

  1. Аформацевт. 
  2. Афатә аконтроль азызуа амедиаҳәшьа. 
  3. Алаборант. 
  4. ЛФК аинструқтор. 
  5. Амассажҟаҵаҩ..

Арҵара 9–11 классқәа ирылгахьоу рзы:
амедиаҳәшьа – 2,5 шықәса;
афельдшер – 3 шықәса;
арҵара аформа – ҽынлатәи, ахә ахшәаарала;
азеиԥшнхарҭа – амаӡам.

Иаҭаху адокументқәа: аттестат (11 класс), апаспорт, афото Зх4 (6 ц.), амедицинатә шәҟәы (аформа 086), аҷкәынцәа рзы арратә комиссариат аҟынтәи ашәҟәы.

Асиахь ахынҳәра