Аҟәатәи амедицинатә коллеџь

Аҭыӡҭыԥ: ақ. Аҟәа, Ӡиӡариа имҩа, 56
Аҭел.: +7 (840) 226 20 49

1931 шықәсазы, раԥхьаӡа акәны, Аҟәа иаартын арҵара аҿҳәара 2 шықәса аманы амедицинатә техникум, ҟәшасгьы иа- ман амедицинатә техники аформацевти.

1935 шықәсазы амедицинатә техникум ииаган афельд- шер-акушер школ ҳәа. Уаҟа иазыҟанаҵон афельдшерцәеи аку- шерцәеи, арҵара аҿҳәара 4 шықәса аҭаны. Сентиабр мза 1955 шықәса рзы афельдшер-акушер школ ахьӡ ԥсахын амедицинатә ҵараиурҭа ҳәа. Иара убри ашықәсан иаартын аҩбатәи амеди- цинатә ҵараиурҭа афельдшер-лаборант изанааҭ ала, сентиабр мза 1957 шықәсазы арҭ аҵараиурҭақәа еидҵахеит, иагьахьӡхеит Аҟәатәи амедицинатә ҵараиурҭа ҳәа.

Аԥсны Аџьынџьтәылатә еибашьраан (1992–1993 шш.) ари аҵараиурҭа аус ауӡомызт, 1993 шықәса, ноиабр мза инаркны ау- сура хацнаркит. Сентиабр 12, 2000 шықәса рзы Аҟәатәи амедици- натә ҵараиурҭа ахьӡ ԥсахын Аԥсны Аҳәынҭқарра Агәабзиарахь- чара аминистрра иатәу «Аҟәатәи амедицинатә коллеџь» ҳәа.

Афакультетқәеи азанааҭқәеи:

  1. Амедиаҳәшьатә ус – амедиаҳәшьа. 
  2. Ахәышәтәратә ус – афельдшер. 
  3. Астоматологиеи аортопедиеи – ахаԥыцҟаҵаҩ, агигиенист. 
  4. Акушертә ус – акушер. 
  5. Алабораториатә ус – алобарант. 
  6. Аԥҭекатә ус – аформацевт. 
  7. Асанитариеи агигиенеи – агигиенист.

Арҵара 9–11 классқәа ирылгахьоу рзы:
арҵара аҿҳәара – 2 шықәсеи 10 мзи, 4 шықәсеи 10 мзи;
арҵара аформа – ҽынлатәи, ахә ахшәаарала;
азеиԥшнхарҭа – амаӡам.

Иаҭаху адокументқәа: аттестат, апаспорт, мамзаргьы аиразы аршаҳаҭга, афото Зх4 (6 ц.), амедицинатә шәҟәы (аформа 086), аҷкәынцәа рзы арратә комиссариат аҟынтәи ашәҟәы.

Асиахь ахынҳәра