А. Ч. Чычба ихьӡ зху Аҟәатәи амузыкатә ҵараиурҭа

Аҭыӡҭыԥ: ақ. Аҟәа, Ӡиӡариа имҩа, 10
Аҭел.: +7 (940) 777 25 70

Аԥснытәи АССР Жәлар ркомитет анапхгаҩы Н. А. Лакоба иқәҵарала, иун 15, 1930 шықәсазы иаартын амузыкатә техникум, уи аҳәынҭқарраҿы раԥхьаӡатәи ҵараиурҭан. Уаҟа иазыҟарҵон апрофессионалтә зыҟаҵара змоу амузыкантцәа.

Аҵараиурҭа диреқторс даман Константин Ковач. Аҵара аҟәша напхгара аиҭон, ашьҭахь еицырдыруаны иҟалаз амузыкант, Одиссеи Дмитриади.

Ари аҵараиурҭахь рҵаҩцәас иааԥхьан амузыкантцәа Санкт-Петербургтәи, Москватәи, иара убас Милантәи аконсерваториа аҟынтәи. Раԥхьатәи адкылара мҩаԥысуан 4-ҟәшак рыла: афортепиано, арахәыцтә, аԥсыԥрҳәагатә, авокалтәи ахореографиатәи. Иара уаҟа иаартын Аԥсны раԥхьаӡатәи асимфониатә оркестр. Ари аҵараиурҭа иоушьҭымҭацәахеит раԥхьаӡатәи аԥсуа композиторцәа, адирижиорцәа, апианинорҳәаҩцәа, аскрипкарҳәаҩцәа, авокал зҳәо, амузыказыҟаҵаҩцәа, афольклористцәа.

Иахьазы А. Ч. Чычба ихьӡ зху Аҟәатәи амузыкатә ҵараиурҭа заҵәык ауп иазыҟазҵо апрофессионалтә зыҟаҵара змоу амузыкантцәа.

Афакультетқәеи азанааҭқәеи:

  1. Афортепиано – афортепиано арҵаҩы.
  2. Аклассикатә шәаҳәара – ашәаҳәара арҵаҩы.
  3. Аестрадатә шәаҳәара – аестрадатә артист. 
  4. Арахәыцтәи аԥсыԥрҳәагатәи жәлар рмузыкатә рҳәагақәа – аоркестртә артист. 
  5. Адирижиорра – ахор адирижиор. 
  6. Атеориатә ҟәша – атеориатә маҭәарқәа рырҵаҩы.

Арҵара 9–11 классқәа ирылгахьоу рзы:
арҵара аҿҳәара – 4 шықәса;
арҵара аформа – ҽынлатәи;
ахә ахшәаара – хәыда-ԥсада;
азеиԥшнхарҭа – амаӡам..

Иаҭаху адокументқәа: аттестат (9, ма 11 класс), апаспорт, мамзаргьы аиразы аршаҳаҭга, афото Зх4 (6 ц.), амедицинатә шәҟәы (аформа 086), аҷкәынцәа рзы арратә комиссариат аҟынтәи ашәҟәы.

Асиахь ахынҳәра